Salmi-Orusjärvi-  sivut uusi osoite 

 

Piironki

Muistelmat

Paginat

Laulut

Runot

Luetut tekstit

 Raja-Karjala Keskustelupalsta

* PAGIN SUNDUGU * PAKINAPIIRONKI *

* * *  Raja-Karjalan Pagin paikku  * *

VAS'AN LINNAH KÄYNDI  
 

VAS'AN LINNAH KÄYNDI - pagin H.Jeronen       - korjannut Matfei Saveljev

D’iedoi Vas'ua, Salmin starikkua eulis n’i mil suanuh kyläh linnah mugah, konzu priha, Andrei hiitri muanitella midäbo hyviä sie heilpäi nygöi kaupoiz da puodiloiz tarittih. Vas'a vie bud’betti, yksikai istaldi häi pirssin kyydih.

Mondu tšuassua ajettih Andrein autoz, konzubo ehtän suuz tuldih viimei Lahteh kodih. Nygöi hänel on toinengi pirssi, Mersu, a eihäi sil häi rubie huonombil juamoil ajamah. Vas'al oli enzimän’e  kerdu, ku häi ol’i tiä kyläz… Noustih hissiz n’el’l’änteh podvualah da tuldih kod’ih. Vas'a jo uuvvestah bud’betti: ”Kyl on tiä vasta kummu, gu pidää nengoseh juaššiekkah mennä da sen ker nousta.” Tuliezet purettih stolal da azetuttih pagizemah.

Sid Andrei katšoi tšuassua da duumai: ”Nygöi on  terväzeh käytävy vie puodih, n’älgyhäi täz on, eigo kylmyškuapiz ole murginua n’i midä, istoi da vuota sinä tiä, kui omas kois, eihäi sie n’i ylen pitgäh hätkestyttän’e.”

Vas'a kattšel’i ikkunoiz joga puoleh, miitytty ol’i tämän hierun ruadandu; ”Vai ole vel’l’i tiä, gu omaz koiz…!” Ol’ihäi sid yhty da tostu nähtävytty! Vai eihäi kavvan jaksa vuottua, konzu rubei himoittamah keitäldiä koufii.

Sih koufein hajuh tuldih jo Andreilistogi kodih, da istuttih kuhnuh stolan tyveh. Vas'a rubei löyhkimäh, anna ollah nygöi taloloiz kummallizet pikoit hellazet, ku ei n’i puitu tarvitše tungie sizäh da ylen terväh vetty keittiä. Vai kodvan pidi kiändiä n’yblylöiz, ennenku oigie raudupliittu löydyi mih koufipannun stoln’i.  Vai ol’i paheksittavuagi vähäzen.

- Eihäi teijjän kaivozez ole n’i äijjy vetty, hyvägu koufih roih! Vas'a sel’l’itti.

- A kuzbo sinä vetty otit, eihäi meil n’i kaivoloi olekkah? Andreilisto kyzyi.

- Tiähäi minä otin, da on vähä ruostettugi kaivoz, no onhai vetty jo noussuh ližiä. Vas'a ozutti nuužn’iekan loukkojakkuo!

Andreilisto , kogo pereh, rubei nagramah kui ei n’i konzu ennen! Vatšat hytkyi, vie pidi oigein väliz mennä kaksin kerroin. Mužikku juoksi oksel nuužn’iekkah, ku tiesi mis veis keitettyy koufii ol’i juonuh.

(Ližiä toisel kerral)

    Jeroisel'l'än Fed'a   Heikki Jeronen

   Sähköpostia  sivuntekijälle