|
*
PAGIN SUNDUGU * PAKINA PIIRONKI *
* * * Raja-Karjalan
Pagin paikku * *
Mieron luadindu
Jumal luadi oslun da sanoi
hänel: ”Sinä olet oslu da ruavat ruadieloi huondekses ehtäh sah da kannat
jügielöi lomuloi selläsäh. Sinä süöt heiniä etgo liijakse ahkul sporti. Sinul on
elaigua 50 vuottu”.
Sih oslu vastai: ”50 vuottu
mostu elaigua on ihan liiga hätki, elä anna minul enembiä ku 20 vuottu”. Da
mugai käi.
Sit kačo,
Jumal luadi koiran da sanoi hänel: ”Sinä olet koiru. Sinä vardoičet
ristikanzoin omazuttu. Sinä olet ristikanzoin uskolline üstävü. Sinä süöt sen
min ristikanzat sinul jätetäh da elaigua sinulla 25 vuottu”. A koiru vastai: ”Ižändü,
25 vuottu sen luadustu elaigua on liijakse hätki, Ole hüvä, elä anna minul
enämbiä ku 10 vuottu”. Da mugai roihes.
Sit Jumal vie luadi abinan da
sanoi:” Sinä olet abin. Sinä reilut puus puuh da ičenviendüä
olet kuni mitahto šuutti da kloun. Sinä olet vessel
da moizennu sinula elaigua roi 20 vuottu”. A oblezjan vastai:” Ižändäzeni,
20 vuottu kloun da
šuuttin
elaigua on liijakse hätki. Ole hüvä elägo anna minul enämbiä kui 10 vuottu”. Da
mugai todevui.
Lopuškal
Jumal luadi miehen da sanoi hänel:”Sinä olet mies, mieron ainavo mielenmalttai
da tolkukas elävü. Sinä käütät älütäs alistamah muut elätit. Sinä haldivoiččet
kogo mieron da suat elaigua 20 vuottu”.
Sih mies vastai:”Ižändü,
olla mies vai 20 vuottu on liijakse vähäzel. Ole hüvä da anna minul ehkis net
30 vuottu, mit oslaz jiätih jällel, 15 vuottu koiras jiäjät, da 10 vuottu abinan
hyllätüt”.
Da mugai Jumal huolehti sit,
anna mies eliä miehennü 20 vuottu. Sit häi menöü naimizih da ruadua 30 vuottu
huondekses ehtäh sah da kandua jügielöi lomuloi kui oslu. Sid hänel roi lapsii
da eliä 15 vuottu kui koiru, häi vardoičou
taloi da süöü sen min eloikanzu jättiä jällel. Sid, vahnembazel ijäl, häi eliä
vie 10 vuottu kui abin da ičenviendüä
on kuni mitahto
šuutti
da kloun da nagrattua bunukoitah.
Alkuperäisestä tekstistä "Luamiskertomus Turkkusest" kääntänyt
Matfei Saveljev
Sähköpostia
sivuntekijälle
|